ប្រិយមិត្តជាច្រើនបានយល់ជ្រាបដឹងហើយថា ឈានចូលដល់រដូវវស្សា ជាពេលវេលាដែលមានភ្លៀងធ្លាក់បន្តបន្ទាប់ ទឹកជន់ជោរឡើងខុសពីធម្មតា ជាហេតុធ្វើឱ្យសត្វធាតុនានា ជាពិសេសសត្វល្មូន និង សត្វមានពិសផ្សេងៗ
ដូចជាពស់ ជាដើម ត្រូវផ្លាស់ទីជម្រក និង ងាយឆ្លងកាត់ និង ពួនសំងំនៅក្នុងផ្ទះ ដែលស្ថិតនៅតាមតំបន់ព្រៃភ្នំ ក៏ដូចជាមាត់ទឹក ជាដើម។ដោយឡែក នាពេលថ្មីៗនេះ នារីម្នាក់បានចេញបង្ហោះវីដេអូមានសត្វពស់ដ៏ធំមួយក្បាល
បានចូលសំងំទៅក្បែរពូកនៅក្នុងបន្ទប់គេងរបស់គេ នៅពេលល្ងាច ដែលសត្វពស់នោះមានសណ្ឋានខ្មៅក្រឹប រលោងស្រិល នៅក្រវៀនៗកៀនជញ្ជាំង ជិតពូកដោយដេញពុំចេញនោះឡើយ។ក្នុងនោះដែរ នារីខាងលើបានបន្តឱ្យដឹងថា ៖
«ជាសំណាងល្អ ដែលរូបគេចូលក្នុងបន្ទប់នៅពេលល្ងាច និង មើលឃើញទាន់ ហើយពុំមានក្មេងៗគេងលេងនៅទីនោះ
បើពុំដូចនោះទេ ច្បាស់ជាមានបញ្ហាជាក់ជាមិនខាន។ ស្ត្រីរូបនេះ ក៏បានផ្ដាំផ្ញើដល់អ្នកនៅតាមខេត្ត ក៏ដូចជាអ្នកមានផ្ទះនៅតាមតំបន់ព្រៃ ឱ្យប្រុងប្រយ័ត្នចំពោះរឿងនេះ ព្រោះខែនេះមានភ្លៀងធ្លាក់ និង ទឹកឡើង
ងាយនឹងជួបប្រភេទសត្វបែបនេះណាស់»៕ ដើម្បីជ្រាបកាន់តែច្បាស់ សូមប្រិយមិត្តទស្សនាវីដេអូខាងក្រោមនេះ៕
